ML Kwarta Padala, Arthro magtige karon sa Balamban

Ang Mindanao Visayas Basketball Association (MVBA) mobalik didto sa lungsod sa Balamban aron pagpakita og laing kulbahinam nga aksiyon tali sa reigning back-to-back champion M. Lhuillier Kwarta Padala-Cebu ug Arthro Kontra Arthritis karong alas 7:00 sa gabii didto sa Buanoy Gym.

Ang maong duwa nga gi-promote ni Joe Soberano sa Cebu Landmaster kabahin sa selebrasyon sa tinuig nga kapistahan sa lungsod sa Balamban.

Ang engkuwentro tali sa M. Lhuillier ug Arthro usa ka charity exhibition game ug dili kabahin sa nagpadayong 2007 MVBA First Conference nga gipaluyohan sa ML Kwarta Padala, Converse ug Gatorade.

Niadtong Hunyo sa miaging tuig didto gihapon sa Balamban, ang M. Lhuillier mipukan sa Cebu Landmaster sa Game-2 sa MVBA First Conference Visayas Division Finals, 78-71, didto sa Mayor Experanza Binghay Memorial Sports .

Ang M. Lhuillier ni Michel Lhuillier ug coach Raul ''Yayoy'' Alcoseba mipilde sa Arthro, 84-75, niadtong Abril 18 diha sa Cebu Coliseum.

Ang Jewelers wala pay pilde sa upat ka duwa, samtang ang Arthro nagbitbit og 2-2 win-loss record sa 2007 MVBA First Conference.