Nationals yuko sa Indons

JAKARTA, Indonesia -- Naaalarma ngayon ang Harbour Centre-RP Team matapos malasap ang 79-74 pagkatalo sa SM Britama-Indonesia noong Huwebes ng gabi na maaaring makasira ng kanilang kampanya sa SEABA Champions Cup qualifying tournament dito.

Nahirapan ang mga Pinoy sa zone defense ng mga Indons ay nasapa-wan din sina imports Julius Nwosu at Vidal Massiah ng tambalan nina Kueth Duany at Ian Cross-white sa kanilang match-ups.

Nakakadismayang kabiguan ito at sinabi ni coach Junel Baculi na isa itong aral sa Harbour Centre-backed RP five, na inaasahang hahataw-kalabaw sa kanilang laban kontra sa Indonesians kung sila ang muling mag-lalaban sa championship game.

"At least now they will play with urgency na hindi ko pa nakikita sa kanila. In a way, maganda na rin `yung pagkatalo dahil medyo na-lessen `yung pressure. Ang masama kung sa championship nangyari sa atin ito. Ngayon we still have a chance to regroup and correct our mistakes," sabi ni Baculi.

Inaasahang magbibi-gay inspirasyon sa mga Pinoy sa torneong ito na magsisilbing qualifying tournament para sa FIBA-Asian Champions Cup ang pagdating nina bas-ketball godfather Mikee Romero at PBL chairman Gil Angeles dito.

Para mangyari ang rematch para sa finals, kailangang manalo ang mga Indonesians at mga Pinoy sa kani-kanilang huling asignatura sa preli-minary round ngayon.

Makakalaban ng RP team ang wala pang panalong Vietnam sa pambungad na laban sa alas-6:00 ng gabi habang makakasagupa naman ng Indonesia ang Petro-nas-Malaysia sa alas-8:00 ng gabing main game.

Kasalukuyang nangu-nguna ang Indonesia na may malinis na 2-0 card habang ang Harbour-RP at Petronas-Malaysia, nag-tala ng 122-37 panalo sa Vietnam kamakalawa, ay tabla sa 1-1 record.

Kailangang manalo ng Malaysians ng hindi baba-ba sa 10-puntos laban sa Indonesia para makapa-sok sa finals matapos matalo sa mga Pinoy sa opening game sa 87-82.