Purefoods makakabangon uli

Nasa ilalim pa rin ang Purefoods Tender Juicy sa standing pero kumbinsido si import Marquin Chandler na nakatakdang umakyat ang Giants at maaring makakuha ng magandang laban sa pagbabalik ng Talk N Text PBA Fiesta Conference.

Para kay Chandler, ang dalawang sunod na panalo sa huling apat na laro ay isang magandang indikasyon ng maliwanag na pag-asa para sa Purefoods na nag-runner-up sa Red Bull sa nasabing torneong.

Kahit na wala ang Natonal mainstay na si Kerby Raymundo, optimistiko si Chandler na may laban sila base sa magandang chemistry ng team na siyang magiging susi ng kanilang tagumpay.

"How do I like our chance? I like it better because I’ve played last year and we’ve got chemistry. My teammates know how I play and I know how they play. All it takes is for us to get back to our mode," ani Chandler. "We knowing one another made it easier for me to come back and for the team to adjust after a 0-3 start. We beat San Miguel and Talk N Text and it showed right there what we can do," dagdag pa niya.

At totoo nga, mabilis na nakabalikwas ang Gianst nang maglaro si Chandler galing sa injury.

Ang Purefoods ay may 2-2 rekord na nang magbalik si Chandler sa panalo nila sa San Miguel, 79-77 at Talk N Text, 101-95.

At ang tagumpay na ito ng Giants ay hindi pa sa 100 porsiyentong performance ni Chandler kung ang kalusugan ang pag-uusapan.