Mga banggiitang players magtige sa 3rd Coleto Itaas chess tourney

Ang mga dekalibreng magduduwang ahedres sa Sugbu ang mopakita na sab sa ilang talento sa ipahigayong 3rd Coleto L. Itaas Memorial Chess Tournament nga mosikad ugma sa ala-1:00sa hapon diha sa Bibo Chess Club sa dalan Jakosalem ning dakbayan.

Ang maong kompetisyon mosubay og seven-round Swiss system diin ang top eight players moduwa og two-game knockout karong Marso 26-27 aron pag-ila sa overall winner.

Ang kampiyon makadawat og P3,000 ug tropeyo, samtang ang second placer makabulsa og P1,5000.

Ang losing semifinalists mobulsa og P800 matag usa, samtang ang losing quarterfinalists hatagan og P300 matag usa.

Ang registration fee nagkantidad lang og P100.

Niadtong interesado ug buot magpakisayod tawaga lang si tournament arbiter Marvin Ruelan sa (032) 412-1076 or 0916-4232335.