2007 season sa MVBA sugdan sa Lunes didto sa Cagayan de Oro City

Ang 2007 season sa Mindanao Visayas Basketball Association (MVBA) gikatakdang sugdan karong Lunes didto sa Xavier University Gym sa dakbayan sa Cagayan de Oro.

Usa ka simpleng seremonyas ang pagahimuon sa alas 4:00 sa hapon sa dili pa ang aksiyon nga pagamtambongan mismo nilang Samahang Basketbol ng Pilipinas (BAP-SBP) president Manuel V. Pangilinan, vice chairman Ricky Vargas ug ubang mga opisyales sa maong kahugpongan.

Ang back-to-back champion M. Lhuillier Kwarta Padala-Cebu ni Michel J. Lhuillier ug coach Raul 'Yayoy' Alcoseba magsugod sa ilang kampanya pagsakmit og grandslam title pinaagi sa pagharong batok sa debuting Duterte-Davao Agilas ni Mayor Rodrigo R. Duterte sa pasiunang duwa sa alas-5:00 sa sa hapon.

Sila si Stephen Padilla ug Woodrow Enriquez, ang conference MVPs sa miaging season, maoy mangu sa kampanya sa Jewelers apan gikinahanglan silang maka-angkon og suporta gikan nilang Mike Manigo, Jett Latonio, Danny Aying, Marlon Piodo, Alano Caputolan, Aldrin Ocanada ug Marphyl Limbo.

Samtang ang Agilas ni coach Rhoel Josol moparada nilang Randy Panerio ug Jeff Bajenting uban sa mga beteranong si JR Atablanco ug Christopher Jatico.

Sa main game, ang Arthro Kontra Arthritis-backed Tribu Guardo moharong sa host Holcim Pryce Pharma-MisOr ni league chairman Gov. Oscar S. Moreno ug Coach Rex Salvana sa main game sa alas 6:30 sa gabii.

Mokompleto sa pito ka teams nga mobanat sa MVBA karon nga season mao ang Visayas Division campaigners Cebu Landmaster-Lapu-Lapu City ni Joe Soberano ug coach Jun Tan, Arthro-Tribu Guardo ni Jonathan 'Atan' Guardo ug coach Al Solis ug Cindy’s-Tacloban ni Kenneth Uy.