POC Board magpupulong

Nakatakdang magpu-long ngayon ang Execu-tive Board ng Philippine Olympic Committee para talakayin ang magiging rekomendasyon ni Ba-colod Rep. Monico Puen-tevella ukol sa isinumiteng application for accredita-tion ng Basketball Asso-ciation of the Philippines-Samahang Basketbol ng Pilipinas (BAP-SBP).

Inaasahang ang por-malidad na lamang sa pagtanggap sa BAP-SBP bilang isang lehitimong sports association ang mangyayari sa pagpapa-sa ni Puentevella, ang chairman ng POC Mem-bership Committee, sa kanyang rekomendasyon sa Executive Board.

"I’m pretty much sure that it will be 99 percent na mali-lift na ng FIBA ang suspension sa atin," wika ni Puentevella, unang nakabasa at nagsaliksik sa ipinasang application for accrediation ng BAP-SBP.

Matatandaang binig-yan na ni FIBA secretary-general Patrick Baumann ang BAP-SBP, pinangu-ngunahan ni PLDT boss Manny V. Pangilinan bilang presidente, ng kati-yakan na sa sandaling makuha nila ang reko-mendasyon mula sa POC ay awtomatiko nang malulusaw ang suspen-syon sa bansa.

Sinuspinde ng FIBA, ang international basket-ball federation, ang bansa bilang miyembro noong Hulyo ng 2005, isang buwan matapos na-mang sibakin ng POC General Assembly ang BAP bilang miyembro.

Matapos ang pulong ng POC Executive Board, pormal na ipi-prisinta naman nito sa itinakdang es-pesyal na Gene-ral Assembly bukas ang pag-bibigay ng re-kognisyon sa BAP-SBP. (Russell Cadayona)