Cobras nitukob sa Eagles

Ang Cobras nibuga og mainitong opensa sulod sa 40 minutos nga kumbati aron pagtukob sa Eagles, 85-60, sa Platero Atan Guardo Cup basketball tournament didto sa Vicente Sotto Memorial Gym sa Brgy. Punta Princesa, ning syudad.

Impresibo kaayo ang gipakitang labok sa Cobras ug inanay nga nagtubo ang ilang labaw ngadto sa 25 puntos.

Sa laing duwa, ang Sharks walay pagpanuko nga mitukob og daog dihang ilang gipilde ang Tigers sa iskor nga 82-76, ubos sa pagpangulo sa managsuong Jeffrey ug Jay Gonzalez nga nagkumboya og 54 puntos.

Nakawang ang 40 puntos ni Jayson Ty tungod kay kulang kini sa suporta gikan sa iyang kaubanan.