Nakab-ot sa MLSDF sa 2006 palabwan pa ni Ybañez

Ang M. Lhuillier Sports Development Foundation (MLSDF) ubos ni executive director Eddie B. Ybañez naglantaw nga mosubli ug malabwan pa ang ilang naangkon nga kalamposan sa miaging 2006.

"It has been a great year 2006 for MLSDF. We were able to carry out several development projects on a wide variety of sporting disciplines in accordance with the mission and vision of MLSDF," matud pang Ybañez.

"Of course, this would not have been possible without the unwavering support of MLSDF chairman Michel Lhuillier. I'd like to thank him for his continued assistance to the programs of MLSDF and I look forward to another busy year," dugang pang Ybañez.

Sa miaging tuig, ang MLSDF nakapundok og duha ka inter-school developmental tournaments, diin ang usa niini maoy mahimong yawi o qualifying round nga morepresentar sa Cebu alang sa 60th National Students Basketball Championships juniors division didto sa Daet City, Camarines Norte.

Sa paningkamot ni Mandaue City Councilor Glen Bercede ug Eddie Montalban, ang MLSDF nipasiugda og senemana nga basketball clinic sa nagkadaiyang barangay sa Mandaue ug nipahigayon pa og seminar-workshop alang sa mga coaches didto sa lungsod sa Tuburan.