PRISAA gitakda sa Pebrero 15-18

Ang Private Schools Athletic Association (PRISAA) Regional Meet gitakda sa Pebrero 15-18 didto sa Bohol nga gilamasan sa Mutya ng PRISAA nga seguradong dagsaon og daghang entrante.

Ang mananaog sa Mutya ng PRISAA-VII maoy hatagan og katungod nga modala sa bandila nga morepresentar sa Central Visayas alang sa National Championships uban sa piniliang mga atleta sa maong rehiyon.

Ang National Championships gitakda sa Abril 20-25 didto sa Iloilo.

Gawas sa indigay sa kaanyag, tulo ka probinsiya nga nasakop sa PRISAA-VII mopadala sab og tulo ka contestant alang sa academic ug laing cultural contest.

Sa susamang kalamboan, adunay laing tigum kalabot sa PRISAA-VII ang pagahimuon karong buntag didto sa Alta Vista.

Ang mga sporting events sa regional meet naglakip sa athletics, baseball, basketball, football, sepak takraw, softball, volleyball, athletics, badminton, chess, karate-do, lawn tennis, swimming, table tennis, taekwondo ug dancesport.