RCTV Inter-School Basketball Cup sugdan na

Ang RCTV Inter-School Basketball Cup pormal na nga buksan karong buntag diha sa Bright Academy sa Banilad, ning siyudad.

Si Cebu City councilor Sylvan 'Jack' Jakosalem, ang tsirman sa committee on sports maoy pinasidunggang dinapit sa opening ceremonies karong adlawa.

Napulo ka tunghaan ang mopakita'g aksiyon nga gihimo alang sa high school students.

Ang competing squads gibahin sa duha ka brackets ug mosubay kini og single round robin sa elimination round.

Naglangkob sa bracket A mao ang Don Bosco College, host Bright Academy, University of San Carlos-South Campus, Salazar Institute of Technology ug Philippine Christian Gospel Academy.

Komposisyon sa bracket B mao ang University of San Jose Recoletos, Cebu International School, University of San Carlos-North Campus, Sacred Heart School ug Little Angels Montesorri School.

Ang top two squads sa matag bracket mo-abante sa cross-over semifinal round.