De Ocampo, Avenido ipinamigay

Upang mabigyan ng higit na playing time ang kanilang dalawang main-stay-- isang umuusbong na player at isang slot-man-- ipinamigay ng Air21 Express sina Yancy de Ocampo at Leo Avenido sa Talk N Text kapalit nina Abby Santos at Mark Andaya at dalawang first round pick sa 2009 at 2010.

Ayon kay Air21 team manager at president Lito Alvarez, ang post-Christmas trade ay naisaayos upang higit na mabigyan ng playing time sina hotshot Gary David, Mark Telan at ang nagbabalik na si Homer Se.

Sina David at Avenido ay naglalaban ng pare-hong playing time habang sina Telan at Se ang mag-hahalinhinan sa puwes-tong iiwan ni De Ocampo na ibinabalik sa Phone Pals.

"David is playing his finest basketball in his career and the coaching staff is 100 percent behind him in our efforts to make him one of our franchise players," ani Alvarez. "Sayang naman kung hindi namin siya mabibig-yan ng playing time that he deserves."

"As for Telan and Se, I believe they have what it takes to fill the void left off by Yancy. I think this trade is beneficial to both of our teams," dag-dag ni Alvarez.

Ang Air21 ay kasalu-kuyang nasa ikawalong puwesto sa standings ngunit may tsansa pang umabante sa quarter-finals.