3 UC Webmasters moapil sa Nike Camp

Tulo lang ka University of Cebu (UC) Junior Webmasters ang nisalmot sa Nike Elite Basketball Camp tryouts nga himuon diha sa Sacred Heart School-Jesuit gym sa Enero 28 sunod tuig.

Si coach Reggie Licanda nagkanayon nga ang tulo mao silang Robinson Mohammad, Billy Connors ug Pelayo Cabañero.

Kahinumduman, ang UC Junior Webmasters maoy nakampiyon sa CESAFI 2006 season human gipilde ang University of the Visayas (UV) Baby Lancers.

Ang UC maoy usa sa upat ka dagkung tunghaan nga konpirmadong niapil sa Nike tryouts dinhi sa Cebu. Ang laing tunghaan mao ang host Sacred Heart, University of San Carlos (USC) Baby Warriors ug ang University of the Philippines-Foundation (USP-F) Baby Panthers.

Ang UV Baby Lancers gipaabot nga moduso sa ilang line-up.

Sa laing bahin, ang Nike Elite Basketball Camp didto sa Mamplasan, Laguna pagahimuon sa Marso 30 hagtod sa Abril 4 sunod tuig.