Thirsty Football Fest gitakda sa Pebrero

Ang mga organizers sa Thirsty Football Festival mopahigayon sa ilang ika-upat nga edition unya sa bulan sa Pebrero sunod tuig diha sa Cebu City Sports Center.

Tungod sa dakung kalamposan sa nilabay'ng tulo ka mga torneyo, ang mga organizers malaumon nga daghan pa ang mosalmot sa sunod nga kumbati.

Ang mga out-of-town teams mahimo sab nga makasalmot sa naasoy'ng kompetisyon.

Ang ikaupat nga edisyon naglatid og 12 ka kategoriya diin duha ka klase mao ang mixed composition ug laing upat ka klase alang sa mga babaye.

Ang duha ka mixed classes mao ang players 8 and 10-under, samtang ang all-girls battle adunay girls 12-under, 17-under, 19-under ug ang ladies division.

Ang ubang nga mga kategoriya mao ang boys 12, 14, 17, 19, men's open ug ang 36-above class.

Ang players 8 and 10 moduwa og five-a-side type nga duwa, samtang ang uban mao ang 7-a-side.

Alang niadtong teams gikan sa gawas sa Sugbo, palihug sa pagkontak sa organizers sa 09209225581 ug pangitaa si Neil alang sa special arrangements.

Ang teams bahinon sa nagkalain-laing brackets nga adunay minimum upat ka teams matag bracket.

Alang niadtong mga kategoriya nga aduna lang usa ka bracket, moduwa kini og single-round robin sa eliminasyon diin ang nag-unang duha ka teams madala sa kampiyonato, samtang niadtong daghan og brackets, ang top squad moabante sa sunod nga hugna.