Pagnanawon naghari sa Road Cyclists of the Month series

Duha ka kanhi road racers ubos sa Team Kalit maoy nakakuha sa nag-unang luna sa second leg sa December's Road Cyclist of the Month Series diha sa Mandaue City reclamation area.

Si Rolando 'Boy' Pagnanawon, maoy naghari sa nahabiling tulo ka laps sa 15-lap race nga nikober og 36 kilometros aron pagdaog sa kinatas-ang dapit batok ni Ricky Ermitanio, kinsa nipahimutang sa ikaduhang dapit.

Si Richard Patalinghug sa Rut Machine Shop maoy nipahiluna sa ikatulong dapit, samtang si Junjun Canasa sa Kalit maoy ikaupat nga dapit ug ang nikapyot sa ikalima nga dapit mao si Roy Carbonera sa Spark Kleen.