Human mapilde sa Mandaue City, nga maoy nanghawod sa pool B, ang Toledo City ug Catmon nagbinuk-anay pa sa ilang human kini magkatabla uban ang 3-1 win-loss record aron maangkon ang semis berth.
Ang Toledo City midaog sa first set, 25-23, apan ang momentum nabalhin ngadto sa habig sa Catmon sa ikaduhang set, 25-19.
Sa deciding set, nakapabor na ang Toledo City human ang kaatbang niining Catmon nahutdan sa hangin aron pag-angkon sa kadaugan, 25-17.
Sa maong kadaugan, ang Toledo City makig-uban sa Mandaue City sa semifinals.
Sa laing bahin, ang Mandaue City aduna pay nahabiling usa ka duwa batok sa Medellin ug ang resulta sa maong duwa dili makaapekto sa ilang kampanya sa penultimate round.
Sa pool A, ang defending champion Lapu-Lapu City ug Talisay City maoy niabante sa sunod nga hugna.
Ang Lapu-Lapu maoy nakaangkon sa labing taas nga posisyon human sa ilang kadaugan batok sa Talisay sa sunod-sunod nga hugna.
Ang crossover semifinal round gitakda sunod semana diin ang mga mananaog mag-ilog sa overall crown.