Sista gustong masolo ang pangunguna

Matapos ang Hapee-PCU, ang Sista Super Sealants naman ang magkakaroon ng tsan-sang masolo ang pamu-muno sa eliminasyon.

Nasa isang two-game winning run, haharapin ng Super Sealers ang Tele-Tech Titans ngayong alas-2 ng hapon bago ang labanan ng Toyota Otis Sparks at Magnolia Spin-ners sa alas-4 sa 2006 PBL Silver Cup sa Oliva-rez Sports Center sa Paranaque.

Isang three-way log-jam ang nangyari sa pa-gitan ng Sista, Hapee-PCU at Mail & More ma-tapos maglista ng magka-katulad na 5-2 rekord kasunod ang TeleTech (4-2), Toyota Otis (3-3), Har-bour Centre (3-3), Cebua-na Lhuillier (3-4), Magnolia (2-5) at Kettle Korn-UST (0-7).

Nanggaling ang Super Sealers ni Caloy Garcia sa 80-72 panalo sa Port Mas-ters, samantalang umis-kor naman ng isang 74-52 tagumpay angTitans ni Jerry Codinera sa Pop Kings para sa kanilang ikatlong dikit na ratsada.

"The games are beco-ming more intense and competitive, kaya dapat palagi kang focus sa gameplan mo," sabi ni Garcia, muling aasa kina Marcy Arellano, Kelvin Gregorio, Gilbert Malaba-nan, Jam Alfad at 6-foot-8 Samigue Eman.

Itatapat naman ng Te-leTech, tinapos ang na-karaang 2006 PBL Unity Cup sa 4-10 rekord kaga-ya ng Hapee-PCU, sina Al Magpayo, Ariel Capuz, Eugene Tan at Francis Mercado. 

Sa ikalawang laro, pa-reho namang sisikapin ng Toyota Otis at Magnolia na makabangon mula sa natikman nilang kabiguan.

Natalo ang Sparks ni Louie Alas sa Moneymen, 85-93, na siyang pumigil sa kanilang two-game winning roll, samantalang yumukod naman ang Spinners ni Koy Banal sa Port Masters, 63-72, noong Sabado. (R. Cadayona)