Matapos pagharian ang 2006 PBL Unity Cup kontra Sparks ni Louie Alas mula sa pagiya nina Tenorio at Yeo, nasa ika-apat na posisyon ngayon ang Port Masters ni Jorge Gallent sa ilalim ng Ha-pee-PCU Teethmasters (5-1), Sista Super Sealers (4-2), Mail & More Comets (4-2), Toyota Otis (3-2) at TeleTech Titans (3-2)
Asam na makaangat sa grupo, kakatagpuin ng Harbour Centre ang Sista sa ganap na alas-2 ng hapon bago ang bang-gaan ng Hapee-PCU at Magnolia sa alas-4 sa eliminasyon ng 2006 PBL Silver Cup sa Emilio Agui-naldo College Gym sa Taft Avenue.
Muling aasahan ng Port Masters sina Chico Lanete, Jerwin Gaco, Chad Alonzo at mga ba-gong hugot na sina JC In-tal, Al Vergara, Reed Jun-tilla at Marvin Ortiguerra kontra kina Marcy Arel-lano, Kelvin Gregorio, Jam Alfad, Eder Saldua at ang nagbabalik na si 6-foot-9 Samigue Eman.
Sa 77-69 panalo ng Super Sealers sa Cebua-na Lhuillier Moneymen, 3 puntos lamang ang nai-ambag ng tubong Davao City na si Eman para sa kanyang kauna-unahang laro.
"We can’t force him to play longer. Still I am satisfied with the way he played, but I expect him to be more aggressive next time," sabi ni coach Caloy Garcia kay Eman.
Sa ikalawang laro, ta-tangkain naman ng Teeth-masters na makabangon mula sa isang 63-66 ka-biguan sa Comets noong Sabado na nagmantsa sa kanilang dating malinis na 5-0 rekord.
Katulad ng Hapee-PCU ni Jun Noel, inaasa-han ring babawi ang Magnolia ni Koy Banal, may 1-5 baraha sa ilalim ng Cebuana Lhuillier (2-3) kasunod ang bagitong Kettle Korn-UST (0-6), mula sa kanilang 70-76 pagyukod sa TeleTech. (RCadayona)