Pinakamalaking grupo ng Team Philippines aalis ngayon

Aalis ngayon ang pinakamalaking grupo ng Philippine delegation na may 97 national athletes mula sa aquatics, beach volleyball, boxing, chess, artistic gymnasium, judo, sepak takraw, shooting, soft tennis at weightlifting patungong Doha, Qatar para lumahok sa 15th Asian Games na nakatakda sa Disyembre 1-15.

Ito ang inihayag ni Cesar Pradas, chairman ng Asian Games Manila-based secretariat at kasalukuyang Acting Executive Director ng Philippine Sports Commission.

Ang Philippine contingent ay pamumunuan ni Gen. Mario Tanchangco, Deputy Chef de Mission at ilang PSC officials at youth campers.

Ang flight schedules ng mga atleta ay binahagi sa pamamagitan ng grupo dahil sa mahigpit na airline schedules patungo sa Qatari capital.

Si PSC chairman William ‘Butch’ Ramirez, na siya ring Chef de Mission, ay umalis noong Nobyembre 20. Ang unang batch na binubuo ng Chef de Mission group na umalis noong Nobyembre 16 habang ang huling grupo na binubuo ng 3 mula sa karateka ay aalis sa Disyembre 3.

Ang Team Philippines ay binubuo ng 335 athletes, coaches at officials.

Ang Philippines ay humakot ng 3 golds, 7 silvers at 16 bronzes sa Busan Asiad.