Tribu Sugbu mo-host 2 ka duwa

Ang Arthro/Kontra Arthritis and Skygo-backed Tribu Sugbu gikatakdang mo-host og duha ka duwa batok sa Bacchus Energy Drink-San Juan ug sa league-leading Pagadian Explorers sa National Basketball Conference (NBC) 2006 Spring National Cup.

Human nakapundo og igong kusog sulod sa duha ka semana, ang Tribu Sugbu ubos sa pagdumala ni coach Al Solis moharong sa bisitang San Juan karong Nobiyembre 10 didto sa Danao City Sports and Civic Center.

Gikan sa Danao, ang Tribu Sugbu nga gipanag-iya nilang businessmen Jonathan Guardo ug Lito Gillamac makigbagat sa gikaintapan nga Pagadian Explorers diha sa Cebu Coliseum.