Cebu netters nidaog

Tulo ka batan-ong Sugbuanon netters ang nidaog sa ilang pagpanulong didto sa Gingoog City sa gipahigayong Cebuana Lhuillier Tennis Championships.

Si Vince Marc Tabotabo sa Tuburan Elementary School milampos paghipos og daog pinaagi sa pag-ugbok sa iyang kaatbang nga si Adjuthor sa boys 12 under division , 6-1, 6-1.

Sa iyang yano nga kadaugan, si Tabotabo, kinsa gisuportahan nilang vice governor Greg Sanchez ug Tuburan Tennis Club president Jade Laurel midaog sab sa quarterfinal batok ni Christopher Encarnacion, 6-1, 6-1.

Karong adlawa, si Tabotabo makigsangka ni Raj Bataw sa boys' 12-under quarterfinal ug J. Librado sa semifinal round sa 10-under unisex.

Sa laing bahin si Franklin Encarnacion sa Dumanjug nakaiskapo sa mga kamot ni Adjul Ephraim Moralde, 6-4, 7-6.

Si Encarnacion gikatakdang moharong sunod ni J. Orcullo.

Si Francis Largo, sa iyang bahin, mipukan sab ni Paolo Fernan, 6-3, 6-0, sa round 16.