Convergy's naka-ipsot sa kamot sa 7-UP

Naka-ipsot ang Convergy's gikan sa mga kamot sa 7-UP pinaagi sa pagdaog sa kulbahinam nga duwa 90-89 sa 4th USC-BEDSC PTA basketball tournament niadtong Domingo diha sa South Campus covered court.

Sa laing duwa , ang South Campus PTCA nga gipangulohan ni Atty. Generoso Plaza mipukan sa Carpool sa iskor nga 72-68.

Si Jun Paca maoy responsable sa kadaogan sa Convergy's sa iyang 18 puntos.

Mao kadto ang dakung daog sa Convergy's batok sa 7-UP, nga gipangulohan sa tandem nilang kanhi SWU Cobras Paul Maninang ug Mario Naron. Si Maninang nihipos og game-high 28, samtang si Naron niamot og 17 puntos.

Sa laing bahin ,si Jessie Gabatan mao sab ang nangulo sa pilderong South Campus PTCA sa iyang 12 puntos.