Bansay, bansay, bansay

Duha ka respetadong kolumnista sa billiard website nga Azbilliards.com gipangutana kun unsay maayong buhaton aron mahimong hanas sa pagdula og billiard. Nagkahiusa sila sa usa ka fundamental nga tubag. Ang gipasabot ko nga mga kolumnista mao sila si Kim Shaw ug Glenn Bond.

Aron paghatag og gibug-aton sa ilang tubag sa pangutana sa kun unsay mayong buhaton aron mahanas sa pagdula og billiard, ilang gilitok sa tulo ka pagsubli ang usa ra ka pulong nilang tubag: "Practice, practice, practice..."

Dili na ko ganahan pang mohimo og lain pang sugyot kondili modason na lang ko sa ila nang gikasugyot. Kini tungod kay bisan kinsa pay atong pangutan-on, kini ra gihapon ang ilang itubag: "Bansay, bansay, bansay..." Nagpasabot nga ang tanang mga magdudula ug eksperto sa billiard sport nagkauyon nga ang pagbansay may bugtong yawi sa pagpauswag sa dinulaan sa billiard sport.

Matud pa nilang Shaw ug Bond, walay laing butang nga ikahulip sa pagbansay. Kini tungod kay ang pagbansay mao ang gikinahanglan sa matag magdudula. Walay laing ika-substitute niini. Kini lang ang bugtong paagi aron mouswag ang performance sa usa ka bilyarista diha sa iyang pagdula. Mao nga bisan kinsa pay imong pangutan-on nga mga eksperto, ang ilang tubag usa ra: BANSAY!

Kay lagi, ang pagbansay mao ray paagi aron mouswag ang usa ka magdudula. Nagkinahanglan kini'g kakugi. Kun kulang sa kakugi ang usa ka magdudula, dili gayod mouswag ang iyang performance. Kay ang makanunayon nga pagbansay nagkahulogan man nga ang magdudula angay gayod mopahigayon og regular practice session, sugyot nga kanunay na natong gisubli-subli ug maoy girekomendar nila ni Alice Rim, Roger Long, Tom Ross ug Kerry Hartsfield Impson nga pulos usab respetadong mga kolumnista sa Azbilliards.com.

Mao nga walay laing paagi sa pagkat-on ug paghanas bahin sa billiard sport gawas sa pagbansay. Kinahanglang kanunayon ang pagbansay. Kinahanglan nga regular gayod ang practice session sa usa ka magdudula. Kun seryusohon niya ang iyang billiard career, kinahanglan nga gahinan niya'g dakung panahon ang pagbansay. Kini ang sekreto sa kalampusan nila ni Efren 'Batay' Reyes, Francisco 'Django' Bustamante, Alex 'The Lion' Pagulayan,Lee Van Corteza ug daghan pang uban.

* * *

Ipadayon ta karon ang atong pagtuki sa Glossary of Billiard Terms nga atong gikutlo gikan sa Billiards: The Official Rules and Records Book.

Bed of table -- (General) The flat, cloth-covered surface of the table within the cushions; the playing area exclusive of teh cushions.

Billiard -- (Carom games) A count or score; a successful shot.

Padayonon ta kini sa sunog higayon.

* * *

Mga komentaryo ug pakisayod? Text as 0910-8105522