Ang maong boxing preview libre ug abli sa tanan. Human sa sparring, ang 20-anyos nga garbo sa ALA Boxing Gym mopahigayon og autograph signing ug ingon man photo session sa iyang mga fans.
Si Bautista gikatakda nga molarga paingon sa Los Angeles, California karong Oktubre 25 aron sugdan ang pormal niyang training didto sa Wild Card Gym nga gipanag-iya ni Freddie Roach. Uban ni Bautista mao si ALA chief trainer Edito Villamor.
Si Bautista gikatakda nga makigharong ni Brazilian champion Giovanni Andrade karong Disyembre 2 didto sa St. Peter Square Times sa Tampa, Florida.
Si Bautista mopakita unta sa iyang labok batok ni Andrade niadtong Septiyembre 16 sa undercard sa rematch nilang Marco Antonio Barrera ug Rocky Juarez didto sa Las Vegas.
Apan si Bautista napugos pag-atras sa away human napiang ang tuong bahin sa iyang abaga atol sa training.
Mao kini ang comeback fight ni Bautista gikan sa lima ka bulan nga pagpahulay.
Misibog sab si Bautista sa iyang away batok sa Meksikanong si Alejandro Felix Montiel sa undercard sa kumbati nilang Manny Pacquiao ug Oscar Larios niadtong Hulyo 2 sa Araneta Coliseum gumikan sa taas kaayong hilanat ug grabeng pag-ubo.