Malaysian taob sa Reyes-Bustamante pair

Nanumbalik ang pulso nina Efren "Bata" Reyes at Francisco "Django" Bustamante matapos huling dumikit ang Malaysia sa 6-5 nang kunin ang panalo sa huling tatlong rack at malusutan ang matin-ding hamon nina Ibrahim Bir Amir at Ooi Fook Yuen sa 9-5 panalo, upang umabante sa round three ng Party-poker.com World Cup of Pool sa New Port Center, South Wales.

Ito ang ikalawang su-nod na tagumpay ng Pilipinas, ang una ay sa madaling paraan matapos pasibatin ang Malta sa 9-0 iskor.

"We played well enough. We missed some balls, but the most impor-tant thing is the win," wika ni Bustamante na may dalawang error sa rack seventh at eight para ma-kabangon ang Malaysia buhat sa 2-4 at tumabla sa 4-4.

Sa matinding hamon na ibinigay ng 16th seed na Malaysia, naniniwala si Reyes na kailangang hu-sayan pa nila ang ipaki-kitang paglalaro upang tumatag ang hangaring mapanalunan ang  tor-neong magbibigay ng $60,000 sa tatanghaling kampeon.

"It’s hard to say if we will win the tournament but we can play well and if we make the final, maybe we can win it," wika ni Reyes.

Naunang lumamang ang Malaysia nang su-mablay si Bustamante sa isang jump shot sa pink four-ball.

Pero agad na naka-bawi ang dalawang ma-huhusay na cue artist sa next rack matapos ma-scratch si Yuen.

Nakuha ng Pilipinas ang unang kalamangan sa laro sa third rack nang sumablay uli si Yuen bago lumawig sa 4-2 ang ben-tahe sa pamamagitan ng ran out.

Nakabalik ang Malay-sia sa sumunod na dala-wang rack para itabla ang laban bago tuluyang kinu-ha nina Bustamante at Reyes ang kalamangan sa labanan nang sumab-lay sa nine-ball shot si Amir.

Nakasamang umu-sad sa third round ng Pilipinas sa quarterfinals ng kompetisyong nilahu-kan ng 31 bansa at may 32 koponan ay ang USA na tinalo ang England B, 9-3.

Lumabas ang bangis nina Rodney Morris at Earl Strickland matapos angkinin ang huling anim na racks upang makahu-lagpos matapos ang hu-ling tabla sa 3-all na gina-wa ng England na kinata-wan nina Steve Davis at Daryl Peach.