Yaw-Yan Ardigma 34th founding anniversary saulogon

Ang Yaw-Yan Ardigma Martial Arts Federation, Inc. mopahigayon sa ilang ika-34 nga Founding Anniversary karong Sabado diha sa Region VII Headquarters sa 3rd floor, Rm. 304 Villacampa-Capuras Bldg., Sanciangko St., Cebu City.

Ang maong selebrasyon sa tanang Yaw-Yan martial artists sugdan pinaagi sa Santos nga Misa sa alas-3:00 sa hapon.

Human sa misa isunod ang tradisyonal nga Yaw-Yan baptismal rites programs examination ug sa nagkalain-laing demonstrasyon.

Ang Yaw-Yan Ardigma Cebu gipangulohan ni Master 'Ekin' Benigno Caniga Jr., ang founder sa Yaw-Yan Ardigma Cebu.

Nadiskubre ang Yaw-Yan niadtong tuig 1972 didto sa Sta. Cruz, Manila kortesiya ni Yaw-Yan Ardigma grand master Napoleon 'Nap' Fernandez.