Dobleng selebrasyon ang gisaulog sa UV gumikan kay ang manghod niini nga Baby Lancers nidaog sab batok sa Cebu Institute of Technology (CIT) Wildkittens, 79-63.
Ang USP-F nisuway og gukod sa duwa sa katapusang kuwarter diin kuwatro puntos na lang ang abante sa UV sa iskor nga 79-83, apan ang mainitong kamot ni Morsie Akad, kinsa nikutlo og 19 sud sa maong kuwarter lakip na niini ang usa ka 3-point maoy nakapaburot og maayo sa labaw ngadto na sa 15 puntos, 80-65 ug mao usab ang naghatag og kasiguroan ilang kadaugan.
Giharos sab og daog sa Green Lancers ang unom ka duwa sa elimination round ug niinat sa ilang win-loss record ngadto sa 64-1 sa kasaysayan sa liga.
Ang Green Lancers nga nagsalig sa gitas-on, kompiyansa kaayo sa Panthers hinungdan nga sikit kaayo ang duwa sa sayong bahin sa unang kuwarter. Apan pagsulod sa second quarter ubos sa pagpangulo ni Rino Berame hinay-hinay nga miinat sa ilang labaw ug gikan niadto ila na nga nakontrolar ang tibuok duwa.
Si Rino Berame niamot og 18 puntos alang sa Lancers nga nakaangkon na og luna sa semifinals.
Sa laing aksIyon, sila si Edrian Lao ug Phil Mercader nipamatuod nga sila ang 1-2 punch sa Baby Lancers dihang sila ang migiya sa ilang opensa. Si Lao adunay 19 puntos samtang si Mercader nidugang og 14 puntos.
Sa maong kadaugan ang Baby Lancers nagtangag na og 4-2 win-loss record, samtang ang Wildkittens nahagba sa 1-4.