SMC league na nga ba ang PBA ngayon?

Yan ang paniwala ng iba dahil apat ang teams nila sa liga.

Hindi naman. I don’t think so.

Apat man ang teams nila sa liga, pero laban lang naman sila kung laban.

Out kung out, in kung in.

Kita nyo nga, sa Final Four nitong All-Filipino Cup, dalawa lang sa apat ang nakapasok, at isa lang ang nakapasok sa finals at yan ay ang Purefoods nga.

Nung isang conference, Red Bull naman ang nag-champion at hindi anuman sa teams nila.

Kung SMC league na ang PBA, and if they had their way, eh di Purefoods, Ginebra, San Miguel at Coca-Cola na lang ang papasukin nila sa Final Four.

SMC league na ba ang PBA?

If you were to ask me, hinding-hindi po.

* * *

Fatigue factor. Pagod daw kasi.

Yan ang idinadahilan sa pagkatalo ng RP team sa Qatar.

Natalo tayo sa Latvia, tambak pa. Talo uli sa Qatar.

Sabihin na lang kasi na malalakas ang kalaban.

No excuses.

Isang ragtag team na agarang binuo, paano mo aasahang manalo yan sa mga World qualifiers?

Enough na may natutunan tayo against these teams.

Yan ay kung may natutunan nga.

Tama na ang alibis sa pagkatalo.

Bakit kung hindi ba pagod, mananalo kaya tayo?

Sus!

* * *

Isa pang alibi-- apat na taon na daw kasing magkakasama ang Qatar kaya natalo tayo sa kanila.

Sus!

Kasalanan ba ng Qatar yan kung apat na taon na silang magkakasama at tayo eh binuo lang nung isang buwan.

* * *

Ang Welcoat naman, nag-umpisa na ng tryouts nila for free agents nung isang araw sa Acropolis Gym.

Lagpas sa 20 players ang dumating, enough to form another PBA team.

Pagpapatunay lang ito na maraming players ang walang trabaho sa ngayon.

Nandun ang mga tulad nina EJ Feihl, Joey Mente, Rob Wainright, Alwin Espiritu, Alvin Magpayo, Denver Lopez, Gilbert Demape, at marami pang iba.

Mukhang may ilang napili naman si Coach Leo Austria.

* * *

Nakabalik na ang Talk N Text players mula sa training nila sa US.

Hindi sabay-sabay na bumalik, pero as of last night, kumpleto na silang nandito.

Good training naman daw ang nangyari sa kanila.