Ang Cebu Institute of Technology (CIT) Wildcats ug ang University of San Carlos (USC) Warriors maoy mag-abot sa main game nga gitakda sa alas-5:00 sa hapon.
Sa pasiunang duwa, ang University of Southern Philippines-Foundation (USP-F) Baby Panthers nagtinguhang motukob og laing daog sa ilang pakigsangka batok sa Don Bosco Greywolves.
Ang Warriors, usa sa mga paboritong team sa wala pa magsugod ang maong torneyo, apan nasurprisa kini human nakasinati og sunod-sunod nga kapildihan batok sa University of the Visayas (UV) Green Lancers sa iskor nga 71-89 ug ingon man sa USP-F Panthers sa iskor nga 82-85.
Aron mahigmata sa ilang dugay nga pagkatulog, ang Warriors kinahanglan nga dili lang magsalig sa ilang "Three Musketeers" nga silang Enrico Llanto, Niño Ramirez ug Vernini Tangarorang nga pulos nakaduwa sa commmercial league tungod kay sa katapusan sila lang gihapon ang mag-antos.
Pipila ka pambato sa Wildcats nga siguradong tagaan og pagtagad mao silang Emilio Aniñon, Sherwin Abobo, Marvin Abapo, Jerry Lumongsod, Ramel Guevarra ug Ronel Villarba.