Mainit na panahon, bentahe kay Pacman

Mas mainit na pana-hon, mas magbibigay ng bentahe kay Manny Pacquiao. 

Ito ang obserbasyon ni Amateur Boxing Asso-ciation of the Philippines (ABAP) president Manny Lopez kaugnay sa dahilan ng pagsentro ng pagsa-sanay ng international featherweight champion na si Pacquiao sa kani-lang boxing gym sa Rizal Memorial Sports Complex sa Vito Cruz, Manila. 

"Siguro mas malamig sa Baguio kaya dito siya nagti-training ngayon," wika ni Lopez kay Pac-quiao. "Baka mas magan-da siguro na masanay na si Manny sa init ng panahon dito sa Maynila." 

Ang maigting na pag-sasanay ni Pacquiao ay ukol sa kanilang 12-round bout ni dating world champion Oscar Larios ng Mexico sa Hulyo 2 sa Araneta Coliseum. Ayon kay Lopez, hanggang sa katapusan lamang ng buwang ito ang kasun-duan nila ng kampo ni Pacquiao hinggil sa pag-gamit ng boxing gym. 

"Iyon lamang naman ang usapan namin nila Mr. Wakee Salud. Iyon na-mang security, sila na ng Philippine Sports Com-mission (PSC) ang nag-usap doon," wika ni Lopez. 

Si Pacquiao ay naging bahagi ng programang Go-for-Gold ng ABAP nang hindi pa nakaka-gawa ng kanyang panga-lan ang pambato ng General Santos City.

 Kahapon ay ang ikat-long araw na ng pagsa-sanay ni Pacquiao sa ABAP boxing gym kung saan niya ginugugol ang pag-eehersisyo at spar-ring kay Russian light-weight Rustam Nugaev. (Russell Cadayona)