Duha ka Sugbuanon boksidor gisagop sa Tagbilaran

Duha ka Sugbuanong boksidor ang gisagop karon sa Tagbilaran City nga mokompleto sa ilang line-up alang sa 2006 National Open Amateur Boxing Olympic Festival nga mahitabo karon didto sa Tubod, Lanao del Norte.

Ang duha mao sila si Marjo Borres ug Alde Desosa. Si Borres moaway ubos sa 48 kgs. division ug si Desosa sa 64 kgs.

Sa pagka tinuod, ang lineup sa Tagbilaran gilangkuban sa mga boksidor gikan sa nagkalain-laing dapit nga maoy rekomendar ni boxing patron Antonio Aldeguer ngadto ni Mayor Dan Neri Lim.

Ang ubang Tagbilaran bets mao sila si John Mar Yap sa Cagayan de Oro City (51 kgs), Mark Gil Millegen sa Negros Oriental (54 kgs.), Wilson Haya sa Bukidnon (57 kgs.) ug Leoncio Maratas sa Tagbilaran.

Si coach Peter Cuizon, usa sa mga trainers sa Ala Boxing Gym maoy gitahasan nga modala sa Tagbilaran squad.