RP team mangayo'g tabang alang sa 9th WEKAF championships

Ang mga pambato sa Pilipinas alang sa umaabot nga 9th World Eskrima Kali Arnis Federation (WEKAF) Championships nga gitakda karong Hulyo 2-8 didto sa Orlando, Florida nangayo karon og tabang pinansyal alang sa ilang pagsalmot didto sa Estados Unidos.

Ang RP team gilangkuban og 25 athletes ug walo ka opisyales apan tungod sa kakulang sa pundo posibling siyam kanila ang mahabilin.

Ang local officials sa WEKAF pinaagi ni RP director Michael Cañete ug master Maximo Caballes malaumon lang gihapon nga ang siyam ka atleta makakuyog sa Florida human sila nipaubos og malisod nga pagbansay-bansay bisan pa man sa kakulang sa badyet

Ang mga opisyales sa WEKAF malaumon nga ang mga Sugbuanon ug uban pang indibidwal nga adunay malumo nga balatian mohatag sa ilang suporta sa atong Pinoy stickfighters alang sa ilang kampanya didto sa US.