Playoff ticket tangka ng Baste sa V-League

Tangka ng San Sebastian College na makasiguro ng playoff para sa ikalawang championship berth sa pakikipagharap sa Lyceum ngayon habang ipagpapatuloy naman ng Adamson ang kanilang kampanya laban sa Far Eastern U sa V-League na hatid ng Shakey’s sa Blue Eagle Gym.

Sa pangunguna ni Thai import Jaroensri Bualee, tinalo ng Lady Stags ang De La Salle Lady Archers, 25-13, 17-25, 25-18, 34-32, para umangat sa 8-4 (win-loss) slate sa ikalawang puwesto at ikaapat na panalo sa semis at makalapit sa 5-of-8 incentive rule ng liga na magkakaloob sa kanila ng playoff para sa ikalawang finals berth sa event na ito na inorganisa ng Sports Vision.

Alas-12:00 ng tanghali ang laban ng Baster at Lyceum na susundan ng sagupaan ng Lady Tams at Lady Falcons sa alas-2:00 ng hapon.

Nakopo na ng La Salle na may 11-1 marka, ang unang finals berth noong nakaraang linggo.

"Our win against La Salle boosted our confidence and we’ll try to pick up from there," ani San Sebastian coach Roger Gorayeb. "But I kept reminding the girls not to be complacent and stay focused."

Ang Lady Falcons, runners up sa UAAP at University Games noong nakaraang taon, ay may 7-4 record at must-win situation laban sa Lady Tams para manatili sa kontensiyon

Ang Lady Pirates at Lady Tams ay tabla sa 5-7 cards, ay talsik na sa kontensiyon ngunit inaasahang magbibigay ng hamon para sa magandang pagtatapos sa event na ito na suportado ng Accel, Mikasa, Aquabest, VFresh, ABC-5 at ABC Sports.