Danaotel nagsolo sa liderato

Temporaryo karong nagsolo sa liderato ang Danaotel human nila gilubong ang Sirlitz/Slimmers World, 72-52 sa nagpadayong 5th Thirsty Hoop Jams basketball tournament diha sa Bright Academy gym sa barangay Banilad, ning siyudad.

Si Pasaol mipabuto og 21 puntos, samtang sila si Christian Toledo ug Giovanni Belicario nagkumboya og 28 puntos alang sa Danaotel nga nagbinugtong karon sa liderato sa Bracket A bitbit ang walay buling nga baraha, 5-0.

Si Marvin Padilla, kinsa mirehistro sa iyang season-high 24 puntos maoy nangulo sa pilderong Sirlitz.

Sa laing duwa, ang House of Hope midaog sab batok Matimco Inc. 79-64. Ang House of Hope nagbitbit karon og 3-2 win-loss record, samtang ang Matimo, Inc. adunay 0-6 win-loss record.