Pingpong tournament sa barangay Centro

Mag-abot ugmang adlawa ang mga mahiligon og pingpong sa pagbukas sa 1st Mayor Demetrio Cortes Sr. Table Tennis Cup diha sa barangay Centro, Mandaue City.

Gipasiugdahan kini sa mga opisyal sa barangay Centro uban sa pag-abag sa bag-ong natukod nga Mandaue City Table Tennis Association nga gipangulohan ni Rhey Ramirez.

Ang maong kalihukan kabahin kini sa kasaulogan sa tinuig nga pangilin sa ilang mahal nga patron San Antonio de Padua karong Hunyo 12.

Ang maong kompetisyon gibahin sa duha ka kategoriya, rubber (17 anyos ug paubos ug 18-anyos ug pataas) ug ang Hardbat nga adunay duha ka level, A ug B. Libre ang registration fee niini.

Si Mandaue City councilor Jonas Cortes miingon nga dagkung ganti ang madawat sa mga palarang mananaog.

Alang sa dugang kasayoran, kontaka si Eugene Ruiz sa telepono 3488406 ug cellphone 09297438790 o kaha ni barangay captain Titing Latonio sa 09262655798.