San Beda nakatilaw na gyud og daog

Nakatilaw na gyud og daog ang bisitang San Beda College-Manila Red Lions human nila gipilde ang University of San Carlos Warriors, 87-73 niadtong Huwebes sa gabii diha sa USC gym.

Ang 6-foot-8 nga si Samuel Ekwe nakabentaha batok sa iyang gagmitoy'ng defenders ug si team captain Alex Angeles kinsa wala kaayo makahuygo atol sa ilang duwa batok sa University of Cebu (UC) Webmasters nagkumboya og 13 puntos.

Ang Red Lions wala na molingi pa human nila mailog ang momentum, 25-14 paghuman sa unang kuwarter.

Si Rogermar Menor miposte og otso puntos sa second period diin ang Red Lions padayong mipatubo sa ilang labaw, 48-34.

Si Ekwe, kinsa mipupo og 24 puntos maoy nangulo sa Red Lions, samtang si Enrico Llanta mao usab ang nangulo sa pilderong Warriors.