USJ-R tinguhang maka-ticket

Ang University of San Jose-Recoletos (USJ-R) maninguha nga makakuha og tiket sa national finals sa Shakey's Girl's Volleyball Invitational League diin ang Cebu elimination mosud sa sa ilang final day karong adlawa diha sa University of San Carlos gym.

Ang USJ-R squad anaa karon sa kinatas-an sa leaderboard uban ang upat ka daog ug walay pilde, samtang ang Don Gerardo Ouano National High School nahimutang sa ikaduhang dapit nga adunay 4-1.

Ang University of Southern Philippines-Foundation maoy ikatulo uban ang tulo ka daog ug usa ang pilde.

Ang Mandaue City Comprehensive National High School napunta sa ikaupat (3-2), ang University of San Carlos (1-4) maoy nahimutang sa ikalima nga dapit.

Ang USJ-R aduna pay nahabiling duha ka duwa ug ang una nilang sangkaon mao ang DGONHS ug ang katapusan mao ang USPF.

Ang USC sa laing bahin, moharong sa MCCNHS ug Pit-os bisan ang USPF moduwa batok sa UC sa dili pa moharong sa USJ-R.

Ang penultimate round maoy sunod nga gamiton diin ang no. 1 squad makigsangka sa no. 4 ug ang no. 2 moharong sa no. 3.

Ang moguwang mananaog sa maong duwa maoy mag-abot sa kampiyonato ug ang mga pildero maoy mag-ilog alang sa ikatulong dapit ning Spike Sports and Cebu Volleyball Federation-organized event.

Ang maong torneyo gisuportahan usab sa Dunkin Donuts, Toby's Sports, Mikasa, Air Philippines ug ASICS.