Nakadagit og daog ang Guardo-Rama Boys pinaagi sa pagpilde sa Punta Sports Association All-Stars sa iskor nga 98-90 sa 30-above division sa PPSA Guardo Summer Cup basketball tournament niadtong Domingo diha sa Vicente Sotto Memorial Gym sa barangay Punta Princesa, ning siyudad.
Gidominar sa Guardo-Rama Boys ang duwa gikan sa pagsugod ngadto na sa katapusang gutlo sa ilang duwa hinungdan nga milampos kini pagpukan sa PPSA All-Stars.
Yawi sa kadaugan sa Guardo-Rama Boys mao ang trianggulo nilang Cesar Ortega, Lito Navarro ug Angel Magan.