Bulldog Team nakaipsot sa kulbahinam nga duwa

Nakasugakod pa gihapon ang Team Bulldog sa kaaslom sa Sambag human kini midaog sa kulbahinam nilang duwa sa iskor nga 81-80 sa nagkainit nga aksiyon sa Punta Princesa Sports Association (PPSA) Guardo Cup Summer Basketball Tournament diha sa Vicente Sotto Memorial gym sa Punta Princesa.

Ang Team Bulldog nagsalig sa abilidad nilang Lawrence Saballa ug Glenn Cabiluna, kinsa maoy naggiya sa ilang kaubanan ngadto sa kadaugan.

Sa main game, ang Tinong's Bakery miposte sa ilang ikaduhang daog sa tulo ka duwa human sab kini midaog batok sa Sunjay Guardo sa iskor nga 102-96.