Toyota nagsolo sa 2nd spot

Muling ipinamalas ng Toyota Otis ang pagiging ‘comeback kid’ nang makabangon sila mula sa 23-point deficit upang hatakin ang 82-80 panalo kontra sa wala pa ring suwerteng TeleTech upang makopo ang solong ikalawang puwesto sa 2006 PBL Unity Cup na nagpatuloy sa Olivarez Sports Center sa Parañaque.

Tulad ng kanilang dramatikong 68-67 panalo laban sa Granny Goose Tortillos noong Huwebes, sumandal ang Sparks kay Boyet Bautista para sa kanilang ika-anim na panalo sa walong laro upang irehistro ang kanilang pinakamalaking come-from-behind win matapos makabalik mula sa 20-point deficit upang igupo ang Montaña Pawnshop sa first round.

Nasayang ang 49-26 kalamangan ng Titans sa kaagahan ng ikatlong quarter nang makabangon ang Sparks sanhi ng kanilang ikapitong talo sa walong laro.

Ibinuhos naman ng Snackmasters ang kanilang galit kontra sa Hapee-PCU matapos ang 66-54 panalo sa second game para sa 4-4 record.

Pinangunahan ni Joe Devance ang Toyota sa kanyang kinamadang 27-puntos na sinuportahan ni Bautista ng17.

Nalasap naman ng Teethmasters ang ika-limang talo matapos ang walong laro.(CVO)