FG inimbitahan sa 5th MY Games

Inimbitahan si First Gentleman Mike Arroyo at ang iba pang top sports officials na dumalo sa mala-piyesta at makulay na opening ceremonies ng Fifth Manila Youth Games (MY Games) sa Linggo, Abril 2 sa makasaysayang Rizal Memorial Track Stadium.

Inaasahang makakasama nina Manila Mayor Lito Atienza at First Gentleman ang Presidential son at Pampanga Rep. na si Mikey Arroyo, Games and Amusement Board (GAB) Chairman Eric Buhain, and Philippine Sports Commission (PSC) Chairman William Ramirez sa isang buhay na buhay na multi-sports gathering para sa kabataan ngayong taon.

Inimbitahan din sina PSC commissioners Ricardo Garcia, Ambrosio de Luna, Leon Montemayor, at Jose Mundo, gayundin ang mga opisyal ng National Sports Associations (NSAs).