Importante ang laro ng Tigers na nakatakdang sumagupa sa San Miguel Beer sa pambungad na laban sa Big Dome sa ganap na alas-4:10 ng hapon.
Kasabay nito ang nag-iisang laro sa Queen Elizabeth Stadium sa Hong Kong kung saan nais ng Talk N Text na makubra ang kauna-unahang panalo upang di masayang ang pagpu-pursigi ng kanilang team owner na si Manny Pangi-linan na maidaos ang larong ito para sa mga Overseas Filipino Work-ers (OFWs) sa dating British Colony.
"We are helping each other in defense. Every-thing is keyed in our defense," pahayag ni Tigers coach Binky Favis na hindi makapaniwala sa kanilang tatlong sunod na panalo kontra sa mga bigating koponan ng Purefoods, Alaska at Air21.
Namamayagpag ang Coke sa solong liderato taglay ang malinis na 3-0 kartada ngunit nanganga-nib ang kanilang pag-iisa sa pamumuno dahil determinado naman ang Beermen na makisalo sa No. 1 position.
Hindi nakalalayo ang SMBeer na may 2-1 karta kasama ang defending champion Barangay Ginebra na walang laro ngayon.
Sa ikalawang laro sa Big Dome, maghaharap naman ang Air21 at ang Alaska Aces na pare-hong nais makakawala sa 1-2 record kung saan kasama nila ang pahinga ngayong Sta. Lucia Realty.
Matapos asahan sina John Arigo at Ali Peek sa sunud-sunod na tagum-pay, napakinabangan naman ng husto ng Tigers si Dennis Miranda na nagtala ng career-high na 20-puntos sa kanilang 80-72 pamamayani laban sa Purefoods na nais maka-bawi sa kabiguang ito.
Sisikapin naman ng Phone Pals na makaba-ngon sa pagkatalo mula sa Ginebra at Air21 sanhi ng pangungulelat sa 0-2 kartada. Tangka naman ng Beermen na masun-dan ang 101-93 panalo sa Red Bull.CVOchoa)