UAAP Board wala pang desisyon

Walang magagawa ang De La Salle University kundi maghintay ng kanilang magiging kapalaran.

Nakatakdang magpulong sa susunod na linggo ang Board members ng University Athletics Association of the Philippines (UAAP) upang desisyunan ang hatol sa DLSU Green Archers.

Ibinasura na ng UAAP Board ang hiling ng La Salle na mag-leave-of-absense sa basketball competition dahil sa ilalim ng alituntunin ng liga, maaari lamang makasali ang member school sa ibang event kung meron silang entry sa mga mandatory events na basketball at volleyball.

Posibleng mapatawan ang La Salle ng pagkakasuspindi ng isang buong season gaya ng nangyari sa Adamson noong 1994 matapos palaruin si Marlou Aquino na natuklasang may academic deficiencies. (CVOchoa)