Malalad, ‘on leave’ dahil sa PBB

Ikinukunsidera ng Philippine Sports Com-mission (PSC) si national karateka Gretchen Mala-lad na ‘on leave’ kahit na ito ay kasali sa "Pinoy Big Brother".

 Ito ay mula na rin sa kabiguan ng Philippine Karatedo Federation (PKF) na makapagsumite ng kanilang bagong offi-cial line-up para ngayong 2006 sa PSC kung saan inaasahang maisasama ang pangalan ni Malalad.

 Ayon kay PSC Com-missioner Richie Garcia, walang makukuhang monthly allowance si Malalad, isang three-time Southeast Asian Games gold medal winner, pati na ang iba pang karatekas.

 "If they (karatedo association) will not give us the names of their athletes for the national team after what she’s doing now, then she will continue to be out of the list," wika kahapon ni Garcia sa PKF at kay Malalad.

 Sa pagkakalagay kay Malalad sa ‘on leave’ status, wala siyang maku-kuhang monthly allo-wance na P8,000 buhat sa sports commission.

 Ang nasabing month-ly allowance ay ibinibigay ng PSC sa lahat ng 113 gold medalists sa naka-raang 23rd Southeast Asian Games noong Nobyembre ng 2005. 

"I don’t think she will be getting anything until she’s back in training," ani Garcia kay Malalad. "Bahala na ‘yung NSA niya muna. We are still awaiting their NSA to make their final move to recommend." 

Habang patuloy na nakatira si Malalad sa ‘Bahay ni Kuya’ ay wala itong matatanggap na monthly allowance mula sa sports commission. (Russell Cadayona)