Doce Pares mopasiugda og final qualifying round

Hataga'g kahigayonan sa Doce Pares ang eskrimadors nga makarepresentar sa Pilipinas alang sa World Championship pinaagi sa pagpahigayon og final qualifying round karong Enero 29 diha sa Cebu Coliseum.

Ang maong kalihukan nga maoy ikalimang qualifying tournament nga gipasiugdahan sa Doce Pares sukad sa miaging tuig maoy mo-ila niadtong potensiyal Cebuano arsinadors nga mao unya ang mokompleto sa RP pool nga ipadala sa 9th World Eskrima Kali Arnis Federation Championship didto sa Pacific Hall sa Dolphin Hotel sa Orlando, Florida unya sa Hulyo 2-9, 2006.

Ang labing daku ug tinahod nga si US President George W. Bush maoy pinasidunggang dinapit ug mamumulong sa maong kalihukan, samtang si Cebu City Mayor Tomas Osmeña maoy usa sa mga pinasidunggang dinapit.

Si Chairman Emeritus Dionisio Cañete miingon nga ang mga kampiyon sa nangaging mga kompetisyon moapil sab ning maong kompetisyon nga aduna nay 80 entries nga buot moaway sa 37 ka events sa sparring ug sayaw (forms).

Dili momenos 40 ka eskrimadors ang morepresentar sa Pilipinas sa World Championships diin 20 niini nagagikan sa Sugbu.

Gihinuktokan karon sa nasudnong koponan mokuha ba sa serbisyo sa Fil-Am nga maoy mopalig-on sa line-up.

Matud pang Cañete nga ang reinforcements gikinahanglan kaayo alang sa Pilipinas aron malangkat ang titulo sa kampiyonato.

Kahinumduman, nga niadtong 2004 diin ang Cebu maoy ni-host napakyas pagsakmit sa korona ug natalbogan kini sa US Team tungod sa kahuyang sa line-up.

"We wanted to have 60 players but it's too expensive, however, Councilor Jack Jakosalem has committed to sponsor 20 players for Cebu. But we still have a bigger chance of winning because we saw potential Fil-Am players there," matud pa ni Cañete.