Kobe mipabuto'g 81 puntos

Lain na usab nga ispektakyular nga duwa ang gipakita ni Kobe Bryant sa Los Angeles Lakers human kini mipakatap og makalilisang nga 81 puntos aron pagpukan sa Toronto Raptors kagahapon sa init na kaayong aksiyon sa National Basketball Association didto sa Staples Center sa Los Angeles, California.

Si Bryant mihipos nang daan og 26 puntos paghuman sa first half nga dili na kaayo laksot sa usa ka player alang sa maong performance. Ug sa pagpadayon sa lahugay, ang superstar sa Lakers padayong mikulekta og puntos nga mihatud kaniya sa pagkulit og kasaysayan sa NBA nga maoy ikaduhang player nga mitapos sa duwa nga adunay pinakadako nga puntos.

"It just happened, man" matud pang Bryant. "It really hasn't, like, set in for me. It's about the `W,' that's why I turned it on. It turned into something special.

"To sit here and say I grasp what happened, that would be lying. Not even in my dreams." dugang pang Kobe.

Gisundan ni Bryant nga adunay pinakadakong 'output' sa duwa mao si Wilt Chamberlain sa Philadelphia kinsa mipabuto og 100 puntos batok sa New York Knicks niadtong Marso 2, 1962 diin mipasulod kini og 36-of-63 sa shooting gawas sa 28-of-32 gikan sa free thow line sulod sa 48 minutos.

Si Chamberlain mihipos og 59 puntos sa second half diin siya lang ang player nga naka-abot sa maong puntos sulod sa duha ka kwarter kinsa gisundan karon ni Kobe sa iyang 55 puntos.

Ang Staples Center nga gisaksihan sa bagang mga fans, nagsuliyaway na sa pag-ingon nga "MVP! MVP!" sa dihang si Bryant mihimo sa iyang katapusang puntos pinaagi sa duha ka free throws sa nahabiling 43.4 segundos sa duwa. Si Kobe mihipos og 27 puntos sa ikatulong kwarter og 28 sa katapusang kwarter.

"It feels great to put on a great show here," batbat pang Bryant.

"Elgin's game was an incredible performance, also. I don't think there's any comparison. Elgin did it without 3-point lines. His game was attacking the hoop and hitting jumpers inside 20 feet. Kobe's range is unreal, and he does it his way," matud pa ni Lakers assistant Kareem Abdul-Jabbar kinsa mikomparar ni Elgin Baylor ngadto ni Kobe.

Sa laing bahin, si Ray Allen ug ang Seattle Supersonics nagkinahanglan pa og duha ka overtime una pa nila nakuha ang daog batok sa Phoenix Suns, 152-149.

Si Allen miposte og 42 puntos uban na niini ang 3-point buzzer beater sa ikaduhang overtime nga maoy mitunaw sa kainit sa Suns.

Dako usab kaayo og gikatabang si Luke Ridnour kinsa mirehistro sa iyang career-high nga 30 puntos alang sa Sonics nga miputol sa ilang upat ka sunod-sunod nga kaparutan og mihatud sa Phoenix sa ilang labing unang kaparutan sa kaugalingong korte niini.