Espinas balik sa dating porma

Binalikan ni Hapee Toothpaste-Philippine Christian University forward Gabby Espinas ang kanyang pormang pang-MVP matapos ang nakakadismayang simula sa 2006 PBL Heroes Cup at tiniyak nitong mapapansin ng lahat.

Mula sa mahabang pahinga, nagpakawala si Espinas ng double-double performance nang ihatid nito ang Hapee sa 91-79 panalo laban sa Far Eastern Insurance para makasama sa four-way logjam kasama ang Granny Goose, Montaña at Rain or Shine sa 4-3 (win-loss) slates.

Matapos mag-average ng 6.5 points at 7.3 rebounds sa unang six games, naging agresibo ang 24-gulang na Zambales native sa pagkamada nito ng 22 points sa 10-of-12 bukod pa sa 13 rebounds, na parehong season best nito para tanghaling PBL Player of the Week.

"He’s our captain and designated leader. Where he goes, we’ll follow," ani Hapee coach Junel Baculi sa kanyang athletic ngunit masyadong emosyonal na player.

Sumikat si Espinas’ nang mapili itong 2004 NCAA Rookie of the Year Most Valuable Player nang makopo ng Dolphins ang unang title.

Matapos mag-runner-up sa Letran sa taong ito, si Espinas ay may average na 13.1 points (sixth sa league), league-best 11.4 boards at 2.1 blocks per game.