I am sorry-GTK

Hindi lamang si Pangulong Gloria Macapagal-Arroyo ang may kontrobersyal na linya ngayong "I Am Sorry".

 Kahapon, namutawi ito sa bibig ni Philippine Amateur Track and Field Association (PATAFA) president Go Teng Kok matapos mabigo ang kanyang tinaguriang "GTK’s Army" na mapitas ang panga-kong 10 gintong medalya sa athletics event ng 23rd South-east Asian Games kahapon sa Rizal Memorial Track Oval.

 "I want to tell the public that I am sorry that I did not kept my promise," ani Go. "In some events that we were not able to win, I feel sorry. I promise I will make it good next time and I promise also that I will not open my mouth and make predictions in the future."

 Bago ang 2005 Philippine SEA Games, inihayag ni Go na kayang-kaya ng kanyang tropa na magtakbo ng mula 10 hanggang 14 gintong medalya.

 Ngunit kinapos ng isang ginto ang kanyang prediksyon.

 Umakyat sa siyam ang gold medal ng Team Philip-pines sa athletics nang pagrey-nahan ng 26-anyos na si Cristabel Martes ang women’s 42.195-kilometer marathon sa itinalang 2:47.07 kasunod sina Feri Marince Subnafeu ng Indonesia (2:54.23) para sa silver at Pa Pa ng Myanmar (2:54.55) para sa bronze medal.

 Nabigo naman si Allan Ballester na maidepensa ang kanyang titulo sa men’s mara-thon na pinagharian ni Boon-choo Jandacha ng Thailand sa oras na 2:29.27 para sa ginto.

 Nakuntento na lamang si Ballester sa tanso sa kanyang 2:32.25 sa ilalim ng 2:30.11 ng six-time Milo Marathon ruler na si Roy Vence para sa pilak.

 Sa kabuuan, kumolekta ang Team Philippines ng 9 gold, 11 silver at 8 bronze medal kumpara sa 8-3-5 noong 2003 SEA Games sa Vietnam at 9-10-4 noong 2001 sa Kuala Lumpur, Malaysia at 8-8-7 noong 1991 sa Manila.

   "Well, kasalanan ko ‘yan eh, I opened my big mouth. Now, if I should be bitay, wala naman ako diyang magagawa eh," ani Go na naunang nagsabing handa siyang magpabitay kung hindi masusungkit ng kanyang "GTK’s Army" ang ika-10 gold medal. (Russell Cadayona)