Blu Girls bigo sa Thai pero bumangon laban sa Singapore

  Pasig City-- Isang masakit na karanasan ang dinanas ng RP Blu Girls nang sorpresahin sila ng Thailand sa isang 3-2 panalo kahapon sa 23rd SEAG softball torneo na ginaganap sa Rosario Sports Complex dito.

 Higit na naging masa-kit ang kabiguang ito sa Blu Girls dahil ito ang kauna-unahang pagka-talo nila sa buong kasay-sayan ng softball laban sa Thai girls na sinaksihan ng may 67,000 kababayan na dumayo dito, bukod sa wala pang panalo ang Thailand bago ang laban na ito.

Gayunpaman, maka-raan ang dalawang oras, bumangon muli ang Blu Girls upang pataubin naman ang Singapore 2-1.

Nagtala naman ang Singapore ng come-from-behind 8-7 panalo sa Indonesia para makopo ang bronze medal.

Dahil sa pangyayari, ang Blu Girls ay makaka-harap ang Indonesia mamaya, ngunit ang Indonesia ay kailangan talunin ang Blu Girls ng hindi kukulangin sa 5-run na kalamangan para makuha ang korona.

Makaharap naman ng Blu Boys ang Indonesia para sa korona sa men’s at tinatayang ang pag-bawi ng Blu Boys sa koronang naagaw ng Indonesia noong 1997 SEAG ay halintulad lang ng namamasyal sa plaza kadali dahil sa kinakaila-ngan talunin ng Indonesia ang Blu Boys ng hindi kukulangin sa 31 run na pinapalagay ng marami na halos imposibleng mangyari.

Naka-una kaagad ang Thailand ng tatlong run ng mag-experimento ang Blu Boys coach na si Rolly Malagit na pagsimulain mag-pitch si Joy Lanting na walang karanasan mag-pitch sa international na laro. (Lawrence John Villena)