Malaysian wushu champ pinatalsik ni Quina para isubi ang gintong medalya

Kumpiyansa sa kanyang pagsasanay sa China bago pa man sumabak sa Southeast Asian Games, nagbunga ng maganda ang lahat ng pagsisikap na ito ni Pedro Quina nang pagharian nirto ang taolu (form)nanquan division ng 23rd SEA Games wushu event sa Emilio Aguinaldo College gym kahapon.

Umiskor ng 9.30 ang 27 anyos na si Quina, para patalsikin ang SEA Games defending champion at Busan Asian Games medalist na si Ho Ro Bin ng Malaysia.

Ito ang unang ginto ng Philippines sa nakatakdang limang gintong nakahanay kahapon at kasalukuyang nilalaro pa habang sinusulat ang balitang ito.

Nakuntento na lamang sa silver medal ang Malaysian sa kanyang naipon na 9.21 puntos at kinuha naman ni Indonesian Sandry Liong ang bronze sa kanyang 9.16 puntos.

Nagpamalas ng malakas na galaw at flexibility ang taga-Marinduque na si Quina na nagpamalas din ng maningning na routines sa kanyang laro.

Sa kababaihan, nakopo naman ng Vietnamese na sina Dam Thanh Xuan at Lam Kieu My Dung ang gold at bronze sa female gunshu (cudgel) sa kanilang 9.30 at 9.10 ayon sa pagkakasunod at silver sa Indonesian na si Susyana 9.20. (Sarie Francisco)