RP WOMEN’S TENNIS PLAYERS, BUO ANG LOOB

Ni hindi pa nasusulyapan ng ating mga women’s tennis players kahit na balahibo ang kanilang mga makakalaban sa nalalapit na Southeast Asian Games, pero, sa pananaw nila, hindi naman magiging pitik-bulag ang labanan.

"It’s not as if we haven’t played against players we haven’t seen before," bungad ni Denise Dy, ang 16 na taong gulang na mag-aaral ng Laurel Springs High School sa San Jose, California. "You just have to play your game, and not let them make you play theirs."

Ayon sa mga pambato natin, malakas din ang mga tennis players dito, subalit medyo nahuhuli dahil kakaunti lamang ang mga nakakalaban nila dito, at halos dadalawang torneo lamang ang kanilang nadadayo sa ibang bansa. Di gaya ng mga Fil-foreign players natin, na kung saan-saan nakakarating.

"It could be more competitive, like in Germany," paliwanag ng Filipino-German na si Anja Peter, na umabot na sa quarter-finals sa singles at doubles ng nakaraang German Open. "There, there are thousands of players you play against, so you really have to work extra hard, and stay sharp all the time.

Laking pasasalamat ng ating mga manlalaro dahil may team manager silang nakaiintindi sa kanilang mga panganga-ilangan, tulad ng negosyanteng Jean Henri Lhuillier.

"He’s been fantastic," bulalas ni Riza Zalameda, ang 19-year old na anak ng tennis instructor mula sa UCLA. "I wish there were more Jean Henri. He really understands what athletes need and gives it to us. Even in the States, it’s hard to find sponsors, because you have to keep proving yourself in tournaments and with rankings. I wish I could bring him back with us."

Bagamat malakas ang Thailand, malakas ang paniniwala ng mga opisyal natin sa tennis na hindi lamang ito maghahatak ng manonood, kundi magdadala pa ng ginto.

"This is a very strong team," pagdidiin ni Ajay Pathak ng Philta. "And the good thing is this is a young team that will be together for the next six or seven years."

Malakas man ang men’s team natin, lalo na’t darating sila Cecil Mamiit (may ranggong 207 sa mundo) at Eric Taino (number 213), agaw-eksena ang mga kababaihan, dahil may nagaganap na torneo na kanilang dinodomina. At magandang balita iyan para sa Pilipinas, na gutom na sa tagumpay sa international tennis.